เนื้อเพลง วอนองค์นาคเผือก โดย รำไพ แสงทอง

นั่งนับวันรอดนแล้วเด้เนาะที่บ่ได้ข่าว
สายลมพัดพาใจเหงา
คิดฮอดเมื่อคราวสองเฮาผูกพัน
ริมสระพังทอง อ้ายกับน้องครองคู่สุขสันต์
สวมแหวนทองหมายปองใจมั่น
ก่อนสิจากกันเข้ากรุงเมืองไกล

ละภาพความหลังยังจำได้
สัญญาฮักบ่เลือนหายยังจำได้ บ่ลืมพี่
ละสายลมหนาวพัดวีวี่มาซูนใจแต่ละครั้ง
หัวใจเอ๋ย แฮงคิดหลาย
ละออกพรรษาสัญญาไว้ สิให้แม่ดอกมาขอ
น้องกะเตรียมใจรอ แต่บ่เห็น คือคำเว้า

กอดคำสัญญาจนออกพรรษากะบ่เห็นสน
ผู้บ่าวสกลคนไกลอ้ายอยู่ไสน้อ
ปล่อยให้คนคอยนั่งใจลอยเฝ้าคอยรอ
ดนแล้วเดะเนาะที่เฮาบ่ได้พบกัน

ริมฝั่งหนองหานเคยนั่งเคียงคู่กันกับอ้าย
เมื่อคราวปีกลายน้องยังจำได้ วันนั้น
ยังพางามงอนไหว้พระขอพรที่ดอนสวรรค์
สองใจฮักมั่นผูกพันบ่เคยเสื่อมคลาย

น้องว่าอ้ายคงลืมแล้วๆ แนวสองเฮาอยู่ไกลห่าง
ย่านแต่เป็นลายต่าง แนวบ่ได้อยู่ซ้อน
โอ๊ย เคียงอ้าย ผู้อยู่ไกล ย่านแต่ใจของอ้ายมีคนเข้ามาฮ่วม
ย่านแต่สวมคอไว้ แล้วลืมน้องผู้อยู่คอย อยู่ทางพี่

งานประจำปีประเพณีแห่ปราสาทเผื่ง
ยังเฝ้าคิดเถิงเมื่อคราวนั่งเคียงคู่อ้าย
พระธาตุเชิงชุมอธิษฐานร่วมกับพี่ชาย
ขอวานพรไหว้ให้ปกปักรักษา
ขอพรนาคาองค์พญานาคเผือก

เคยอธิษฐานให้ฮักมั่นในคำสัญญา
แต่มาปีนี้บ่เห็นคนดีอ้ายคืนกลับมา
อย่าให้น้องต้องคอยถ่า
ปล่อยถิ่มสัญญา คือดอนแม่หม้าย

ยามสายลมพัดมาต้อง ยามสายลมพัดมาต้อง
หัวใจหมองๆ มันคิดฮอดเอานี่
หรือวาสนาน้องมีเพียงส่ำนี่ สาธุเด้อองค์พญานาคเจ้า
ขอวอนเว้า อธิษฐานช่วย ดนใจให้อ้ายคืนกลับมา
ขอพรนาคาให้ส่งยู้ แหน่เด้อ ท่าน